kutubhona

Исломий давлат илоҳий давлат эмас,
башарий давлатдир

Исломий давлат – Халифаликдир. Чунки у мансаб бўлиб, бу мансабни эгаллаган киши ҳокимият, салтанат ва ҳукмларни табанний қилишнинг барча салоҳиятларига ҳеч истисносиз эга бўлади. Халифалик дунёдаги барча мусулмонларнинг умумий раҳбарияти бўлиб, исломий шариат ҳукмларини барпо қилади. Уларни Ислом олиб келган фикрлар ва шаръий ҳукмлар билан барпо қилади. Халифалик исломий даъватни бутун оламга кўтариб чиқади. Буни уларга Исломни танитиш, уларни Исломга даъват қилиш ва Аллоҳ йўлидаги жиҳод билан амалга оширади. Халифаликни имомат ва мўминлар амирлиги деб ҳам аталади. Демак у илоҳий мансаб эмас, башарий мансабдир. Зеро у Ислом динини башариятга татбиқ этиш ва уни башар ўртасида ёйиш учун мавжуддир. У пайғамбарликдан бутунлай бошқа нарсадир. Чунки пайғамбарлик ва рисолат бир мансаб бўлиб, унда набий ёки росул шариатни Аллоҳдан ваҳий воситасида олиб, одамларга етказади. Уни татбиқ этилиши ёки этилмаслигидан қатъий назар, уни етказади:

وَمَا عَلَى الرَّسُولِ إِلَّا الْبَلَاغُ الْمُبِينُ
«Пайғамбар зиммасида (сизларни зўрлаб динга киргизиш эмас, балки) фақат (сизларга Ҳақ динни) етказиш бордир» [Нур: 54]

فَإِنَّمَا عَلَيْكَ الْبَلاَغُ
«Сизнинг зиммангиздаги нарса фақатгина етказишдир» [Оли Имрон: 20]

مَّا عَلَى الرَّسُولِ إِلاَّ الْبَلاَغُ
«Пайғамбар зиммасида фақат етказиш бор, холос» [Моида: 99]

Халифалик эса бунинг аксидир. Чунки у Аллоҳ шариатини инсониятга татбиқ этишдир. Набий ва росул бўлиш учун Аллоҳ ўзига ваҳий қилган нарсани татбиқ этиши шарт эмас. Аксинча набий ва росул бўлиш учун Аллоҳ унга бирон шариатни ваҳий қилиши ва уни етказишни буюриши шарт. Саййидимиз Мусо, Исо ва Иброҳим алайҳимуссалом мана шу асосда пайғамбар ва росул бўлдилар. Улар ўзлари олиб келган шариатни татбиқ қилмадилар ва ҳоким бўлмадилар.

Шунга кўра нубувват ва рисолат халифалик мансабидан бошқа нарсадир. Зеро нубувват илоҳий мансаб бўлиб, Аллоҳ уни Ўзи хоҳлаган кишига беради. Халифалик эса башарий мансаб бўлиб, унда мусулмонлар ораларидан ўзлари хоҳлаган